Angebot - Die Krabatsage 

Heiko Fritz: “Čorny młynk” a Krabat

“Čorny młynk” je modifikacija kuzłarskeho stworjenja, takrjec postawy druheho swěta, kotraž bu w religioznej kulturnej dobje na kuzłarja přeměnjena. Toho mjenowachu w tamnym času tež “wuměłca čorneje magije”; čorny, dokelž stejachu jeho njepřewidne dźiwotworne skutki w přećiwku k swjećenym religioznym dźiwam.
W tutym zmysle ma so tež nastaće wobrota “čorny młynk” rozumić. Tón je napřećiwny wobrot k rjemjeslniskemu młynkej, kotryž ze zdźěłanjom běłeje muki zakład žiwjenja zapadneho swěta zaruči. Muka měješe před někotrymi lětstotkami, hdyž njeběchu zežiwidła w nadměrje k dispoziciji a hdyž ludźo běchu stajnje strachej hłodowej smjerći wusadźeni, hišće cyle hinašu hódnotu dyžli dźensa.
Nawopak zaruči sej “čorny młynk” swoju eksistencu z kuzłanjom a njebě wotwisny wot zemskich podawiznow. Wón je zamóhł, so mocować ze srědkami druheho swěta. To pak je kaž pola rjekow bajkow jenož šło pod wěstymi wuměnjenjemi.

Ludźo w powěsćach su tak wopisani, zo so boja před mocami druheho swěta, kotrež zetkawaja. Nic zrědka woni jim tež podleža. Tohodla dokumentuja powěsće tež husto poražki před dźiwow połnymi podawkami. Powěsćowe postawy bjeru sej přikład žiwych wosobinow, kotřiž běchu we swojim žiwjenju z něšto njewšědneho a wosebiteho wobdarjeni. Tak je to tež pola powěsćoweje postawy Krabata. Jeje historiski pozadk je połkownik Jan Šadowic, kiž bě kónc 17. lětstotka we Wulkich Ždźarach žiwy.
Cuzy pochad, wón bě Chorwat, wosebitosć jeho njeporadźenych pospytow, wobydlerjow ewangelskeje wsy Wulke Ždźary do katolskeje wěry wróćo dóstać a
snadź tež jeho smilnosć a darniwosć, pozběhnychu jeho nad wšědnej ludnosću. To k tomu wjedźeše, zo wosta slědowacym generacijam w pomjatku. Dopomnjenki na podawki z nim wuwiwachu so w běhu časa k legendam a powědančkam přidružichu so powšitkowne powěsćowe motiwy.

W 19. a 20. lětstotku Krabata w pisomnych wobjednanjach jeho wosebiteho powěsćoweho kompleksa dale a bóle jako postawu wopisowachu, kotraž ćěmnym mocam z wuspěchom napřećo stupi a tute přewinje. Najprjedy jónu

w religioznej dimensiji, w kotrejž sej šuler kuzłarja na kóncu swój křesćanski zakład wuwědomi a so k tomu wuznawa z tym, zo kuzłarstwo zaćisnje. Pozdźišo so powěsć wo Krabaće dźeń a bóle do njeposrědnjeho wšědneho dnja integruje, tak zo so přewobroći kuzłarska šula do “čorneho młyna” a pochmurjene kuzłarstwo so wotměni wot krasneho kuzła lubosće.

  



Kinofilm-Trailer hier klicken: Kinowerbung

Mirror: Trailer für den neuen Krabat Kinofilm


 

SWBerlin

Krabat-Filmprimäre in Berlin

Der Krabat aus der Sage




Krabat und der
Schwarze Müller

SWJapan

Kioto grüßt Schwarzkollm

cd

 
 
 

ght width=20>